Qytaıdyń soltústigindegi Ishki Mońǵolııa avtonomııalyq aýdanynda ornalasqan hımııa zaýytynda búgin tańerteń órt shyǵyp, saldarynan jeti adam kóz jumdy, dep habarlaıdy Egemen.kz Sınhýa agenttigine silteme jasap.
Jergilikti bıliktiń málimetinshe, órt dúısenbi kúni 2:08-de Baotoý qalasynyń Kýndýlýn aýdanynda tutanǵan.
Bir saǵattan keıin tilsiz jaý aýyzdyqtalǵan. 6:40-ta iz-túzsiz joǵalǵan dep tirkelgen jeti adamnyń denesi tabyldy. Qazirgi kezde apattyń sebebin anyqtaý úshin tergeý júrip jatyr.