Konstıtýsııaǵa qandaı ózgerister engiziletini aıtyldy

Mınıstr jalpyulttyq jospar boıynsha Konstıtýsııaǵa mynadaı ózgerister engiziletinin aıtty:

Prezıdent ókilettigin, onyń qyzmette bolýyna baılanysty shekteýlerdi belgileý týraly;

Ortalyq saılaý komıssııasynyń tóraǵalary men músheleriniń saıası partııalardan shyǵýy,

Esep komıtetiniń, konstıtýsııalyq keńestiń, Parlament Senaty men Májilisin qalyptastyrý jáne onyń fýnksııalary, respýblıkalyq bıýdjettiń atqarylýyn baqylaý jónindegi esep komıtetin joǵary aýdıtorlyq palataǵa aınaldyrý tártibi, máslıhattardy qalyptastyrý tártibi,

Konstıtýsııalyq sot quryp, oǵan azamattardyń da ótinish bildirý múmkindigin,

Bas prokýror men adam quqyqtary jónindegi ýákil,

Konstıtýsııada ólim jazasyn joıý týraly sheshimdi bekitý.

Mýsın bul blok boıynsha zań jobasyn ázirleý 2022 jylǵy sáýirde josparlanyp otyrǵanyn aıtty.

Sondaı-aq konstıtýsııalyq zańdar boıynsha ózgerister engizý josparlanyp otyr:

ákimder men olardyń orynbasarlaryna partııa fılıaldarynda qyzmet atqarýǵa tyıym salý,

Parlament Senaty men májilisin qalyptastyrý tártibi jáne onyń fýnksııalary,

Konstıtýsııalyq Keńestiń jáne Joǵary Sot Keńesiniń tóraǵalary qyzmetine kandıdatýralardy kelisý,joǵary aýdıtorlyq Palatanyń qurylýy, máslıhattardy qalyptastyrý tártibi men olardyń fýnksııalary, saıası partııalardy tirkeý rásimin ońaılatý,

prokýratýra men adam quqyqtary jónindegi ýákil qyzmetiniń máseleleri boıynsha,

saılaý prosesin jetildirý,

alqabıler sotynyń qatysýymen ister sanattaryn keńeıtý,

buqaralyq aqparat quraldary týraly zańdy qaıta qaraý,

jergilikti ózin-ózi basqarý.

Konstıtýsııalyq zańnyń jáne osy blok boıynsha zań jobalaryn ázirleý 2022 jylǵy tamyzda josparlanyp otyrǵany habarlandy.

Abaı, Ulytaý oblystaryn qurý jónindegi Prezıdent jarlyqtary men Úkimet qaýlylarynyń jobalaryn ázirleý, Almaty oblysyn Jetisý jáne Almaty oblystaryna bólý, oblystar men respýblıkalyq mańyzy bar qalalar ákimderi orynbasarlarynyń sany boıynsha shekteý 2022 jylǵy maýsymda kózdeledi.