Memleket basshysy Qasym-Jomart Toqaev QHR Tóraǵasy Sı Szınpınge kóńil aıtý jedelhatyn joldady, dep habarlaıdy Egemen.kz.
QR Prezıdenti Qytaıdyń Gýansı-Chjýan avtonomııalyq aýdanynyń mańynda «China Eastern Airlines» áýe kompanııasy jolaýshylar ushaǵynyń apatqa ushyraýy saldarynan kóptegen adamnyń qaza tapqany týraly sýyt habardy tereń kúızelispen qabyldady.
«Osyndaı aýyr sátte qaıǵy-qasiretterińizge ortaqtasyp, barsha qazaqstandyqtyń jáne jeke ózimniń atymnan Sizge jáne jaqyndarynan aıyrylǵan otbasylarǵa, sondaı-aq dostas qytaı halqyna qaıǵyra kóńil aıtamyn», delingen jedelhatta.