Densaýlyq saqtaý mınıstrligi elden dári-dármek shyǵarýǵa ýaqytsha tyıym salýdy usynyp otyr, dep habarlaıdy Egemen.kz.
Buıryq jobasy 6 sáýirge deıin ashyq quqyqtyq aktiler portalynda talqylaý úshin ornalastyrylǵan.
Mınıstrlik alty aıǵa Qazaqstan aýmaǵynan kez kelgen nysandaǵy dárilik zattardy, onyń ishinde farmasevtıkalyq sýbstansııalardy, medısınalyq maqsattaǵy buıymdardy, sondaı-aq olardy óndirýge arnalǵan materıaldar men komponentterdi áketýge tyıym salýdy josparlap otyr.
«Tek jeke tapsyrysy boıynsha jeke paıdalanýǵa arnalǵan medısınalyq buıymdar, halyqaralyq gýmanıtarlyq kómek kórsetý úshin jiberilgen taýarlar, bólshek saýda aıasynda jeke tutyný úshin ákelinetin jáne satyp alynǵan taýarlar, tegin medısınalyq kómektiń kepildik berilgen kólemi jáne mindetti medısınalyq saqtandyrý sheńberinde alynǵan dárilik zattar men medısınalyq maqsattaǵy buıymdar, zertteý jáne synaý úshin alynǵan úlgiler, paıdalaný orny boıynsha densaýlyq saqtaý uıymdarynda tikeleı óndirilgen radıofarmasevtıkalyq preparattarǵa tyıym salynbaıdy», delingen habarlamada.