Qaırat Satybaldyulynyń burynǵy jubaıy Gúlmıra Satybaldyǵa qatysty istiń mán-jaıy belgili boldy. Bul týraly sybaılas jemqorlyqqa qarsy qyzmet málim etti, dep habarlaıdy Egemen.kz.
«Shymkent qalasy boıynsha Sybaılas jemqorlyqqa qarsy qyzmeti «Shymkent qalasynyń jolaýshylar kóligi jáne avtomobıl joldary basqarmasy» MM laýazymdy tulǵalary men «Arııa-Jańa Astana» JShS basshylyǵyna, onyń ishinde Gúlmıra Satybaldyǵa qatysty 2021 jyly naqty oryndalmaǵan qurylys-montajdaý jumystary úshin asa iri mólsherde (747 mln teńge) bıýdjet qarajatyn jymqyrý faktisi boıynsha sotqa deıingi tergeý júrgizýde», delingen agenttik habarlamasynda.
О́zge aqparat tergeý múddesinde jarııa etýge jatpaıdy.
Eske sala keteıik, Qaırat Satybaldyulymen birge onyń burynǵy jubaıy Gúlmıra Satybaldy da kúdikke ilingen bolatyn.
Sybaılas jemqorlyqqa qarsy qyzmettiń málimetinshe, agenttik Qaırat Satybaldyulyna, onyń burynǵy jubaıy Gúlmıra Satybaldyǵa jáne basqa da tulǵalarǵa qatysty bıznesti reıderlik basyp alý faktisi boıynsha sotqa deıingi tergeýdi bastaǵan.
Keıin Gúlmıra Satybaldy eki aıǵa qamaýǵa alyndy.