О́rtten eki adam zardap shekti, dep habarlaıdy Egemen.kz.
6 sáýir kúni saǵat 12:57-de oblystyq TJD-ǵa Pavlodar qalasynyń N.Nazarbaev dańǵyly 20 mekenjaıy boıynsha órt shyqqany týraly habarlama kelip túsken.
- Bes qabatty úıdiń jertólesindegi qoımadan bastalǵan jalyn aǵash qabyrǵalardy sharpyp, aýmaǵy 8 sharshy metr jer órtengen. Joǵarǵy qabattardan baspaldaq arqyly órt sóndirýshilerdiń kómegimen 6 adam, tórtinshi kireberisten 5 adam, onyń ishinde 2 bala evakýasııalandy, - dep jazylǵan habarlamada.Pavlodarnews.kz saıtynyń habarlaýynsha, órtten 1961 jáne 1974 jyldary týǵan er adamdardyń qoldaryn birinshi dárejeli kúıik shalǵan. Apattar medısınasy ortalyǵynyń qyzmetkerleri zardap shegýshilerge alǵashqy medısınalyq kómek kórsetken. Alaıda turǵyndar aýrýhanaǵa jatýdan bas tartypty. Tilsiz jaý saǵat 13:30-da tolyqtaı sóndirildi.