Prezıdent Qasym-Jomart Toqaev Abý-Dabıdiń Taq murageri sheıh Muhammed ben Zaıd Ál Nahaıanmen telefon arqyly sóılesti, dep habarlaıdy Egemen.kz Aqordanyń resmı saıtyna silteme jasap.
Qazaqstan Prezıdenti men Abý-Dabıdiń Taq murageri birin-biri qasıetti Ramazan aıynyń bastalýymen quttyqtady.
Qasym-Jomart Toqaev Muhammed ben Zaıd Ál Nahaıandy Dýbaıda ótken EKSPO-2020 dúnıejúzilik kórmesiniń sátti ótýimen quttyqtady.
Áńgime barysynda ekijaqty saýda-ekonomıkalyq jáne ınvestısııalyq yntymaqtastyqtyń damý perspektıvalary jan-jaqty talqylandy.
Taraptar saıası dıalog pen ekonomıkalyq baılanystardy odan ári keńeıtýge nıetti ekenin jetkizdi. Dálirek aıtqanda, birlesken ınvestısııalyq jobalardy júzege asyrýǵa múddelilik tanytatyny jóninde aıtyldy.
Áńgimelesý sońynda Qazaqstan Prezıdenti Abý-Dabıdiń Taq muragerin bıyl elimizge resmı saparmen kelýge shaqyrdy.