Qyzylorda oblysynda jyl basynan beri ózge adamnyń telefonyndaǵy bank qosymshasynan onlaın nesıe rásimdegen 64 alaıaq ustaldy, dep habarlaıdy Egemen.kz Qyzylorda oblystyq Polısııa departamentiniń baspasóz qyzmetine silteme jasap.
«Alaıaqtar smartfon arqyly ózge bireýdiń bank qosymshasyna kiredi. Olardyń arasynda tipti elektrondy sıfrly qoltańbany buza alatyndary da kezdesedi. Bıylǵy jyldyń 3 aıynda oblys boıynsha 64 azamat osyndaı alaıaqqa aldanǵan», dep málimdedi Polısııa departamenti.
Vedomstvo málimetine qaraǵanda, osyndaı oqıǵanyń biri Jalaǵash aýdanynda tirkelgen. Onda jergilikti turǵyn tanysynyń uıaly telefonyn surap alyp, 495 myń teńge onlaın nesıe rásimdegen. Bul áreket boıynsha QR Qylmystyq kodeksiniń 190-babynyń 2-bóligi 4-tarmaǵy negizinde sotqa deıingi tergep-tekserý áreketteri júrip jatyr.
Eske salsaq, Qyzylorda oblysynda alaıaqtyq qylmysy 54,4 paıyzǵa azaıǵan.