Qazaqstannyń birinshi, álemniń 18-raketkasy Elena Rybakına Charlston (AQSh) WTA 500 týrnıriniń úshinshi aınalymyna shyǵa almady, dep habarlaıdy Egemen.kz QTF baspasóz qyzmetine silteme jasap.
Jarysty ekinshi aınalymnan bastaǵan qazaqstandyq tennısshi dúnıejúzilik reıtıngte 42-satyda turǵan ýkraınalyq Angelına Kalınınamen sheberlik baıqasty. Birinshi partııada ýkraınalyq tennısshi sáttirek oınady – 6:4.
Ekinshisinde Rybakına artyǵymen ese qaıyrdy – 6:2.
Úshinshi, sheshýshi setti Kalınına 6:4 esebimen jeńdi.
Eki saǵat 18 mınýtqa sozylǵan matchta Elena 10 eıs jasap, 12 breık-poınttyń beseýin paıdalandy. Qarsylasy 2 eıs, 5 breıkpen (11 breık-poınt) kózge tústi. Taǵy bir qazaqstandyq, álemniń 46-raketkasy Iýlııa Pýtınseva ekinshi aınalymda reıtıngte ózinen bir saty tómen turǵan amerıkalyq Amanda Anısımovadan utylyp qaldy – 1:6, 2:6.