Qazaqstanda onkologııalyq aýrýlardyń kórsetkishteri artty. Bul týraly OKQ brıfınginde Qazaq onkologııa jáne radıologııa ǵylymı-zertteý ınstıtýtynyń dırektory, Densaýlyq saqtaý mınıstrliginiń shtattan tys bas onkology Dılıara Qaıdarova málimdedi, dep habarlaıdy Egemen.kz.
«2021 jyldyń qorytyndysy boıynsha Qazaqstanda onkologııalyq aýrýlarmen syrqattaný 9,8%-ǵa ósip, 100 myń turǵynǵa shaqqanda 190,3-ti qurady. Iаǵnı, 2021 jyly 36 myńnan astam jańa jaǵdaı anyqtaldy jáne bul 2020 jylmen salystyrǵanda 4 myńǵa jýyq jaǵdaıǵa artyq», dedi Dılıara Qaıdarova.
Sonymen qatar onyń aıtýynsha, onkologııalyq aýrýlardy erte anyqtaý 27%-ǵa deıin, al bes jyldyq ómir súrý deńgeıi 55%-ǵa deıin ósti.
«Aýrýlar boıynsha birinshi orynda, burynǵydaı, sút bezi qaterli isigi, ekinshi orynda - ókpe qaterli isigi, sodan keıin kolorektaldy qaterli isik, asqazan qaterli isigi jáne jatyr moıny obyry», dedi D. Qaıdarova.
QR DSM medısınalyq kómekti uıymdastyrý departamenti dırektorynyń orynbasary Gúlnar Janǵarasheva Qazaqstanda 2021 jyly onkologııalyq aýrýlardyń 36 140 jańa jaǵdaıy tirkelgenin habarlady.
«Onkologııalyq aýrýlarmen aýyratyndardyń negizgi úlesin nemese 59%-yn eńbekke qabiletti jastaǵy adamdar alady», dedi G. Janǵarasheva.
Onyń málimetinshe, Qazaqstanda jalpy qurylymda qaterli isikterden bolatyn ólim-jitim úshinshi orynda tur.