Memlekettik qyzmet isteri agenttigi tóraǵasynyń orynbasary Aıgúl Shaımova OKQ brıfınginde Memlekettik organdardyń aldyna keńse qaǵazdary jáne onymen baılanysty shyǵyndardy qysqartý mindeti qoıylǵanyn málimdedi, dep habarlaıdy Egemen.kz.
«Prezıdenttiń Jarlyǵynda bekitilgendeı, qaǵaz satyp alýdy jáne onymen baılanysty shyǵystardy qysqartý qajettiligine aıyryqsha kóńil aýdarylady. Endi bul shyǵyndar úsh ese azaıady. Tutastaı alǵanda, Jarlyqta kózdelgen sharalar memlekettik organdardy qaǵazsyz ortany qamtamasyz etýge yntalandyratyn jáne ózara is-qımyldyń sıfrlyq formatyna kóshýge septigin tıgizedi», dedi A. Shaımova.
Eske sala ketsek, 14 sáýirde Qasym-Jomart Toqaev «Memlekettik apparattyń qyzmetin bıýrokratııasyzdandyrý jónindegi sharalar týraly» Jarlyqqa qol qoıdy.