Peshtıanıde (Slovakııa) shaıbaly hokkeıden 2022 jylǵy álem chempıonatynyń kezekti matchy ótti. Birinshi dıvızıonnyń «A» tobynda Qazaqstan quramasy topta sońǵy orynda turǵan Japonııanyń jasóspirimder quramasymen oınady, dep habarlaıdy Egemen.kz Sports.kz-ke silteme jasap.
Birinshi kezeńde-aq Taısetsý Iýshıo men Fýdjı Sýzýkı japon hokkeıshilerine basymdyqty óz qoldaryna alýǵa múmkindik berse, ekinshi jıyrma mınýttyq kezeńde Temirlan Qıtarov esepti mınımýmǵa deıin qysqarta bildi.
Sońǵy kezeńniń 41-mınýtynda Vsevolod Logvın kezdesýde tarazy basyn teńestirse, 47-mınýtta Rýsla Ospanov Qazaqstan quramasyn alǵa shyǵardy. Japon hokkeıshileri tarazy basyn teńestirgenimen, Nurlan Aldııar óz komandasynyń tórtinshi golyn soǵyp, Ulttyq qurama 4:3 esebimen jeńiske jetti.
Esterińizge sala keteıik, sońǵy oıynda Qazaqstan Danııany 4:2 esebimen jeńgen edi, qazir komandanyń qorjynynda alty upaı bar.