Qazaqstanda tórt jańa saıası partııa paıda bolýy múmkin, dedi OKQ alańynda ótken brıfıngte Ádilet mınıstri Qanat Mýsın, dep habarlaıdy Egemen.kz
«Búgingi kúni 4 partııanyń qujattaryn qarastyryp jatyrmyz. Bul – «El tiregi», «Halyq derbestigi», «Namys» jáne «Báıterek» partııalary. «Halyq derbestigi» partııasy ekinshi kezeńge ótti jáne rastaıtyn qujatyn alyp, sezin ótkizdi. Partııa quryltaı sezin ótkizgennen keıin 20 000 kandıdattyń tizimin usynýy kerek», dedi Q. Mýsın.
Ádilet mınıstri qazirgi tańda zań boıynsha tirkeý merzimi toqtatylyp, partııa músheleriniń zańǵa sáıkestigi tekserilip jatqanyn, al qalǵan «El tiregi», «Namys» jáne «Báıterek» partııalary áli birinshi kezeńde ekenin aıtty.
«Quramynda keminde 1 000 adam bolýy tıis bastamashyl top músheleriniń ishinde aty-jóni, tegi nemese ákesiniń atymen sáıkes kelmeıtin JSN-y durys emes tulǵalar anyqtalǵan. О́kinishke qaraı basqa partııalardyń múshelerimen qatar qaza tapqan azamattar da anyqtaldy. Zań boıynsha Qazaqstan azamaty tek bir saıası partııanyń múshesi bola alady. Sol sebepti ol basqa partııanyń qurylýyna qatysa almaıdy. Biraq bul buzýshylyqtardy túzetýge bolady. Iаǵnı barlyq kemshilikti joıǵannan keıin taraptar qujattardy qaıta tapsyryp, kelesi kezeńderden ótýge ótinish bere alady», dep sózin tarqatty Ádilet mınıstri.
Aıta keteıik, vedomstvo basshysy 2019 jyldan beri saıası partııany tirkeýge 10 bastamashyl top ótinish bildirgenin atap ótti.