Somalı memleketiniń Galkaıo qalasyndaǵy áýejaıda BUU-nyń esirtki men qylmys jónindegi basqarmasynyń eki qyzmetkeri oqqa ushty. Bul týraly Lenta.ru habarlady.
Jergilikti quqyq qorǵaý organdarynyń aqpary boıynsha, halyqaralyq uıym qyzmetkerleri ushaqtan túsip bara jatqanda, polıseıdiń kıimin kıgen belgisiz bireý olarǵa oq jaýdyrǵan. Qyzmetkerdiń biri áýejaıda qaza bolsa, ekinshisi aýrýhanaǵa jetip kóz jumdy.
BUU-nyń Somalıdegi arnaıy ókili Nıkolas Keı jergilikti bılikten oryn alǵan qylmys boıynsha tyńǵylyqty zertteý júrgizýlerin talap etti.
BUU qyzmetkerleri Somalıǵa jergilikti bılikpen kezdesý úshin kelgen. Olar eldegi bank júıesin almastyratyn aqsha aýdarymynyń beıresmı júıesi jóninde áńgimelesýi tıis bolatyn.
Aıdar О́risbaev.
Derekkóz: Lenta.ru.
Foto: Segodnya.ua.