Qazaqstan men Qyrǵyzstan arasyndaǵy taýar aınalymy 2022 jylǵy qańtar jáne aqpan aılarynda $126,3 mln-ǵa jetti. Bul ótken jyldyń uqsas kezeńimen salystyrǵanda 6,8% - ǵa joǵary (118,2 mln AQSh doll), dep habarlaıdy Egemen.kz Saýda jáne ıntegrasııa mınıstrliginiń baspasóz qyzmetine silteme jasap.
«Qyrǵyzstanǵa eksporttyń qysqarýy tabıǵı gaz jetkiziliminiń 84,7%-ǵa nemese 12 mln dollarǵa tómendeýimen negizdeledi. Sonymen qatar óńdelmegen nemese jartylaı óńdelgen altyn jetkizilimderiniń ósýi baıqalady. Onda jóneltilimderdiń negizgi taýarlary - temeki ónimderi», delingen habarlamada.
Osy ýaqyt aralyǵynda Qyrǵyzstannan Qazaqstanǵa ımport 59,6%-ǵa ósip, 53,7 mln dollarǵa jetti. Muny munaı ónimderin ákelýdiń ulǵaıýymen túsindirýge bolady. Sondaı-aq baǵaly metaldardyń keni men konsentrattardyń jetkizilimderinde ósim bar.