Tarıh ǵylymdarynyń doktory, arheologııa professory, Germanııa arheologııalyq ınstıtýtynyń, Qoǵamdyq ǵylymdar akademııasynyń korrespondent-múshesi, álemge áıgili ǵalym Vıktor Fedorovıch Zaıbert 75 jasynda qaıtys boldy, dep habarlaıdy Egemen.kz.
Vıktor Zaıbert - Qazaqstannyń arheologııasy men ejelgi tarıhy týraly ǵylymı jańalyqtardyń, monografııalar men kóptegen maqalalardyń avtory.
Ol - 1980 jyly álemdi Botaı mádenıetimen tanystyrǵan biregeı arheolog.
Vıktor Zaıbert 1947 jyly qazirgi Soltústik Qazaqstan oblysy Esil aýdanynyń Nıkolaevka aýylynda dúnıege kelgen. Iаvlenka orta mektebin, keıin Petropavl pedınstıtýtynyń tarıh fakýltetin «tarıh muǵalimi» mamandyǵy boıynsha bitirgen.
Vıktor Zaıbert óz eńbek jolyn 1969 jyly Soltústik Qazaqstan oblystyq tarıhı-ólketaný murajaıynyń arheologııa bóliminde bastady.
1967 jyly mýzeı qyzmetkeri jáne pedınstıtýttyń oqytýshysy Gennadıı Zdanovıchtiń basshylyǵymen Soltústik Qazaqstannyń arheologııalyq eskertkishterin zertteýmen aınalysa bastady.
Ermıtajda, memlekettik tarıhı mýzeıde, Pýshkın mýzeıinde, Búkilodaqtyq restavrasııalaý ortalyǵynda, Kreml restavrasııalaý zerthanalarynda taǵylymdamadan ótken.
Bar ǵumyryn tarıh pen arheologııaǵa arnaǵan Vıktor Zaıbert 75 jasynda kóz jumdy.