Memlekettik hatshy Ádilbek Jaqsybekovtiń tóraǵalyǵymen Qazaqstan Respýblıkasy Prezıdenti janyndaǵy Sybaılas jemqorlyqqa qarsy kúres máseleleri jónindegi komıssııanyń otyrysy ótti, dep habarlady Qazaqstan Respýblıkasy Prezıdentiniń baspasóz qyzmeti.
Otyrysqa qatysýshylar sot aktilerin oryndaý salasyndaǵy sybaılas jemqorlyqqa qarsy is-qımyldyń tıimdiligin arttyrý jónindegi sharalardy, sonymen qatar, memlekettik organdardaǵy sybaılas jemqorlyq deńgeıiniń reıtıng júıesin jetildirý máselelerin talqylady.
Á.Jaqsybekov atap ótkendeı, statıstıkalyq málimetter sot aktilerin oryndaý deńgeıi tómendigin kórsetip otyr. 2013 jyly óndirip alynýy tıis bolǵan 2,2 trıllıon teńgeniń is júzinde tek 108 mıllıard teńgesi nemese 5 paıyzy ǵana alynǵan.
Buǵan qosa, sot aktilerin oryndaý salasy sybaılas jemqorlyqqa meılinshe beıim salalardyń biri bolyp qala berýde.
– Qalyptasqan ahýal oryndaýshylyq óndiris júıesin túbegeıli reformalaý, pisip-jetilgen máselelerdi sheshýdiń jańa tásilderin ázirleý qajettigin kórsetip otyr, – dep atap ótti Memlekettik hatshy.
Otyrys barysynda Ádilet mınıstri B.Imashevtiń, Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy R.Túsipbekovtiń, Bas prokýror A.Daýylbaevtyń, Memlekettik qyzmet isteri agenttiginiń tóraǵasy Á.Baımenovtiń esepteri tyńdaldy.
Otyrys qorytyndysy boıynsha Komıssııa memlekettik organdarǵa Memleket basshysy qoıǵan mindetterdi oryndaýǵa baılanysty birqatar tapsyrmalar men usynymdar berdi.