Tańdaýymyz – taǵattylyq

Qazaqstan halqy Assam­bleıa­­synyń kezekti sessııasyna daı­yn­dyq jumystarynyń aıasynda Keshe Din isteri agenttiginde «Nur Otan» partııasynyń «Qa­zaq­stan. 2017 jylǵy maqsattar. Ulttyq jospar» saılaýaldy tu­ǵyr­namasynyń «Halyq bir­ligi» baǵyty boıynsha Qazaq­stan Parlamenti Májilisindegi «Nur Otan» partııasy fraksııasynyń depýtattarymen jáne ÚEU ókilderimen kezdesý ótkizildi. Kezdesýge Din isteri agent­tiginiń tóraǵasy M. Ázilhanov pen basqa da agenttik qyzmetkerleri; «Nur Otan» partııasynyń ıdeologııa máseleleri jónindegi hatshysy K.I.Aqsaqalov; Par­la­ment Májilisiniń depýtat­tary S.T.Seıdýmanov, O.A.Asanǵazy, B.Ertaev, N.N.Lo­gýtov, E.Iа.Kap­pel jáne Iý.E.Tı­mo­shenko; Sa­rapshylar tobynyń hatshy­sy, «Nur Otan» partııasy Orta­lyq apparaty Saıası jumys de­par­tamentiniń úılestirýshisi M.A.Býharına; «Nur Otan» par­tııasy «Jas Otan» jastar qana­tynyń atqarýshy hatshysy N.E.Sydyqov jáne Qazaqstan hal­qy Assambleıasy Ǵylymı-sarap­tama keńesiniń hatshysy N.P.Ka­lashnıkova men Qazaqstan Aza­­mattyq alıansynyń pre­zı­denti N.K.Erimbetov qatysty. Kezdesý 2014 jylǵy 17 qań­tardaǵy Elbasy Joldaýyn jú­zege asyrý men «Nur Otan» par­tııa­synyń «Qazaqstan. 2017 jylǵy maqsattar. Ulttyq jospar» saılaýaldy tuǵyrnamasynyń aıasynda  «Pármendi dinı saıasat: di­nı taǵattylyq jáne rýhanı otar­laýǵa qarsy ımmýnıtet» taqyrybynda ótti. Kezdesý barysynda elimiz­diń zaıyrly memlekettik qu­ry­lymy aıasyndaǵy memleket pen din arasyndaǵy baılanys, des­trýktıvti dinı aǵymdardyń jastar sanasyna keri áseri, sheteldik dinı oqý oryndarynda ózdiginshe bilim alǵan Qazaqstan azamattarymen qatynas, aı­maq­tyq Antıterrorıstik komıs­sııalardyń ekstremızm men terrorızmge qarsy kúres júrgizý jumystary, «E-ıslam» aqparattyq-aǵartýshylyq ınternet portalynyń qyzmeti týraly máseleler talqylandy. Din isteri agenttiginiń tóraǵasy M. Ázilhanov Qazaqstannyń din salasyndaǵy memlekettik saıa­sa­tynyń Elbasy N.Á.Nazar­baev­tyń «Qazaqstan-2050» Stra­tegııasy – qalyptasqan mem­lekettiń jańa saıası baǵyty» atty Joldaýynyń negizinde ja­sal­ǵandyǵyn tilge tıek ete kelip, barlyq memlekettik organdardyń júıeli áreket etýiniń arqasynda elimizdegi dinı ahýaldyń turaqty da memleket baqylaýynda damyp otyrǵandyǵyn atap ótti. Tóraǵanyń aıtýyna qa­ra­ǵanda, agenttik tarapy­nan kon­fessııaaralyq yntyma­qtas­tyqty kúsheıtý, el azamattarynyń dinı saýattylyǵyn arttyrý men jalǵan dinı aǵymdar yqpa­lynan qorǵaý, radıkaldy dinı ıdeologııanyń taralýyna qarsy turý boıynsha halyqtyń ártúrli áleýmettik toptarymen keshendi aqparattyq-túsindirý jumystary atqarylyp keledi. Sonymen qatar, Qazaqstan Respýblıkasynyń «Dinı áreket jáne dinı uıymdar týraly» Zańy talaptarynyń barlyq dinı qarym-qatynas sýbektileri tarapynan oryndalýyn qamtamasyz etý men Dinı ekstremızm men terrorızmge qarsy turý boıynsha 2013-2017 jyldarǵa arnalǵan memlekettik baǵdarlamasyn júzege asyrý Din isteri agenttigi qyzmetiniń basym baǵyttary bolyp tabylady, dep qorytty sózin M.Ázilhanov. Kezdesý sońynda «Nur Otan» partııasy fraksııasynyń de­pýtattary Din isteri agent­ti­gi­ne konfessııaaralyq yn­ty­maq­tastyqtyń qazaqstandyq úlgisin odan ári damytý, Qazaqstan Pre­zıdenti N.Á.Nazarbaevtyń Álem­dik jáne dástúrli dinder kósh­basshylarynyń sezderin ótkizý ıdeıasyn júzege asyrý, eldegi dinı ahýaldy sapaly taldaý men turaqty monıtorıngteý ju­mys­taryn jetildirý, «Dinı qyzmet jáne dinı uıymdar týraly» Zań talaptaryn oryndaý, Qazaqstan qoǵamyndaǵy dinı ekstremızm men terrorızmniń aldyn alý boıynsha pikirleri men usynystaryn ortaǵa saldy. Sáýlebek BIRJAN.