Batys Qazaqstan oblysynda jol jóndeý jumystarynyń keshigýine baılanysty «QAZAVTOJOL «UK» AQ jáne QR IIDM Avtomobıl joldary komıtetiniń qyzmetkerleri jaýapqa tartyldy, dep habarlaıdy Egemen.kz IIDM baspasóz qyzmetine silteme jasap.
«Memleket basshysynyń Batys Qazaqstan oblysyndaǵy joldardy jóndeý boıynsha tapsyrmasyn ýaqytyly oryndamaǵany úshin «QAZAVTOJOL «UK» AQ BQO fılıalynyń dırektory Ámir Kárimbaev jumystan bosatyldy. Budan basqa ákimshilik sıpattaǵy sharalar QAJ ortalyq apparaty men Indýstrııa jáne ınfraqurylymdyq damý mınıstrliginiń Avtomobıl joldary komıtetiniń basshylyqtaǵy birqatar qyzmetkeri men mamandaryna qatysty qoldanyldy», delingen habarlamada.
Buǵan deıin atalǵan sebepterge baılanysty Indýstrııa jáne ınfraqurylymdyq damý vıse-mınıstri Berik Kamalıev qyzmetinen shettetilgen bolatyn.