Qazgıdromet 28, 29 jáne 30 sáýirdegi aýa raıy boljamyn jarııalady, dep habarlaıdy Egemen.kz.
Sınoptıkterdiń málimetinshe, sáýirdiń aıaǵynda Qazaqstannyń batys óńirlerine Aq teńizden kelgen sıklon áser etedi.
«Sıklon shyǵys baǵytqa aýysyp, eldiń soltústik-batys jáne soltústik aımaqtaryna da áser etedi. Respýblıkanyń basym bóliginde jańbyr jaýady, sonymen qatar, 30 sáýirde elimizdiń batysynda qatty nóser bolady», delingen habarlamada.
Aldaǵy úsh táýlikte respýblıkanyń ońtústik jartysyna ońtústik sıklon áser etedi, al 30 sáýirde Qazaqstannyń basym bóligin qamtıdy.
«Sondyqtan burshaq jaýyp, daýyl turady. Qazaqstan aýmaǵynda jel sekýndyna 15-20 metrge, ońtústikte, ońtústik-shyǵysta ekpini sekýndyna 23-28 metrge deıin kúsheıedi. Sondaı-aq batysta, soltústik-batysta jáne soltústikte aýa temperatýrasynyń birtindep tómendep, eldiń qalǵan aýmaǵynda joǵarylaýy múmkin», delingen habarlamada.