Úkimetaralyq komıssııanyń kezekti májilisi

Berlın qalasynda Mádenı yntymaqtastyq jónindegi Qazaqstan-Germanııa úkimetaralyq komıssııasynyń kezekti tór­tinshi májilisi bolyp ótti. Qazaqstan delegasııasyn Mádenıet mınıstrligi Mádenıet komıtetiniń tóraǵasy Tileýǵalı Qysh­qashbaev, Germanııa delegasııasyn Federaldyq syrtqy ister mınıstrligi Mádenıet jáne baılanys departamenti dırektorynyń orynbasary, elshi Anders Maıtsner basqardy. Májilistiń kún tártibinde mádenıet, óner, kınematografııa, sport jáne bilim salasyndaǵy keńeıtý, akademııalyq jáne ǵylymı tájirıbe almasýdy jandandyrý, sonymen qatar, aqparat, baspa jáne muraǵattyq ister salasyndaǵy qarym-qatynas týraly máseleler qaraldy. Reseımen, Ortalyq Azııamen jáne «Shyǵys áriptestik» elderimen yntymaqtastyq boıynsha GFR úkimetiniń ókili Gernot Erler atalǵan májilis ekijaqty qarym-qatynas, saıası únqatysý men eki eldiń arasyndaǵy ekonomıkalyq qatynastardyń damý deńgeıiniń beınesi dep atap ótti. О́z kezeginde T.Qyshqashbaev mádenıet pen bilimniń nemis tarapymen baılanysy mańyzdy ekenin, Qazaqstan basshysynyń Joldaýymen úılesetinin atap ótti. Qazaqstan delegasııasy basshysynyń sózine qaraǵanda, qazaq tiliniń Germanııada jáne nemis tiliniń Qazaqstanda beri­lýine ekijaqty kelisimmen ruqsat etilgen. Sharanyń qorytyndysy boı­yn­sha naqty ýaǵdalastyqtarǵa qol jetkizilip, otyrystyń qory­tyndy hattamasyna qol qoıyldy. Bular keler jyldardaǵy qarym-qatynastyń negizgi baǵyttaryn qamtıdy. Mádenı yntymaqtastyq jó­nindegi Qazaqstan-Germanııa úkimetaralyq komıssııasy 1994 jylǵy 16 jeltoqsan «Germanııa Federatıvtik Respýblıkasy men Qazaqstan Respýblıkasynyń úki­metteri arasyndaǵy mádenı baılanystar» týraly kelisim negizinde qurylǵan bolatyn. «Egemen-aqparat».