Sınoptıkter 4 mamyrǵa arnalǵan aýa raıy boljamyn jasap, Qazaqstan aýmaǵynda bolatyn meteorologııalyq qubylystar týraly aıtty, dep habarlaıdy Egemen.kz.
«Atmosferalyq frontaldy bólikterdiń ótýine baılanysty elimizdiń basym bóliginde jańbyr, eldiń ońtústiginde, ońtústik-shyǵysynda qatty jańbyr jaýady. Qazaqstannyń batysynda, ońtústik-batysynda, soltústiginde, soltústik-shyǵysynda joǵary qysym aýmaǵynyń áserinen jaýyn-shashynsyz aýa raıy bolady. Respýblıka boıynsha naızaǵaı oınap, jel kúsheıip, eldiń ońtústiginde, ońtústik-shyǵysynda burshaq jaýyp, soltústiginde, shyǵysynda tuman túsedi», delingen «Qazgıdromet» RMK baspasóz habarlamasynda.
Jambyl oblysynyń soltústiginde, ońtústiginde jáne taýly aýdandarynda naızaǵaı, burshaq, daýyl bolady, oblystyń ońtústik-batysynda, soltústik-shyǵysynda jáne taýly aýdandarynda jel 15-20, keı ýaqytta 25 m/s kúsheıedi.
Tańerteń jáne kúndiz Almaty oblysynyń ońtústiginde jáne taýly aýdandarynda naızaǵaı, burshaq, daýyl bolady, naızaǵaı kezinde jel 15-20, ekpini 25 m/s kúsheıedi.
Túrkistan oblysynyń soltústiginde, ońtústiginde, batysynda, taýly jáne taý bókterindegi aýdandarynda naızaǵaı oınap, burshaq jaýyp, daýyl soǵady, naızaǵaı kezinde jel 17-22 m/s kúsheıedi.
Qaraǵandy oblysynyń soltústiginde, shyǵysynda, ortalyǵynda naızaǵaı oınaıdy, jel 15-20 m/s kúsheıedi.
Qostanaı oblysynyń ońtústiginde naızaǵaı oınaıdy, jel 15-20 m/s kúsheıedi.
Kúndiz Aqmola oblysynyń ońtústik-batysynda naızaǵaı oınap, ońtústiginde jel 15-20 m/s kúsheıedi.
Túnde Shyǵys Qazaqstan oblysynyń soltústiginde tuman túsedi, ońtústik-batysynda jel 15-20 m/s kúsheıedi.
Qyzylorda oblysynyń shyǵysynda naızaǵaı oınap, daýyl soǵady.
Túnde jáne tańerteń Soltústik Qazaqstan oblysynyń shyǵysynda tuman túsedi.
Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi saqtalady.