Almatylyq óndirýshiler qala dúkenderi sórelerine áleýmettik nandy jetkizýdi jalǵastyrý úshin sýbsıdııa alady. Qalanyń ekonomıkalyq ahýaly týraly baıandaǵan kásipkerlik jáne ınvestısııalar basqarmasynyń basshysy Erkebulan Orazalınniń aıtýynsha, «Azyq-túlik korporasııasy» UK» AQ qorynan qaladaǵy un tartatyn kásiporyndarǵa sýbsıdııalanǵan astyqty jetkizý jumystary jalǵasýda. Osy oraıda áleýmettik nannyń satý baǵasyn bekitý úshin «Almatynan» JShS-na 150 mln teńge kóleminde aınalym zaemyn bólý josparlanýda.
Al áleýmettik mańyzy bar azyq-túlik taýarlarynyń baǵasyn turaqtandyrý úshin «Toımart» jáne «Magným» saýda jelilerimen kelisimshart uzartylyp, Small jelisine, sondaı-aq «Koger» JShS-na jumyrtqany arzandatylǵan baǵamen satýǵa qosymsha qarajat bólinip otyr. E.Orazalın sonymen birge qalada «V», «S» sanattaǵy dúkenderdegi baǵalarǵa monıtorıng júrgizilip jatqanyn jetkizdi. Spıkerdiń aıtýynsha, iri dıstrıbıýtorlar men óndirýshilerden kóterme baǵamen bakaleıa ónimderin tikeleı jetkizý uıymdastyrylǵan. Jetkizýmen myńnan astam «úı janyndaǵy» dúkender qamtylyp, segiz ataýly taýar túri boıynsha shamamen 1,5 myń tonna ónim jóneltilgen.
Búginde qalada I toqsannyń qorytyndysyna sáıkes ekonomıkanyń qarqyndylyǵy men iskerlik belsendiligi qalyna kele bastady. Aldyńǵy úsh aıda 19,8 paıyz ósimge qol jetkizip, 248 mlrd teńgeden astam ınvestısııa tartylǵan. Investısııanyń edáýiri jyljymaıtyn múlik (131,4 mlrd teńge), kólik jáne qoıma (27,2 mlrd teńge), ónerkásip (20,4 mlrd teńge), qarjy jáne saqtandyrý qyzmeti (14,8 mlrd teńge) salalaryna tartylǵan.
О́nerkásip ónimderin óndirý kólemi oń dınamıkany kórsetip otyr. Birinshi toqsanda 387,8 mlrd teńgeniń ónimi óndirilgen. О́ńdeý ónerkásibi 18 paıyzǵa ósip, bul ásirese mashına óndirisinde baıqalyp otyr. О́sim tamaq ónimderi óndirisinde – 1,6, sýsyndarda – 10,5 paıyzǵa, jeńil ónerkásipte 2,9 esege óskeni baıqalady.
Jeke kásipkerlik qarqynynyń nátıjeli ekenin alǵa tartqan spıker jumys istep turǵan ShOB sýbektileriniń sany ótken jyldyń sáıkes kezeńimen salystyrǵanda 10,5 paıyzǵa ósip, 217 822 nysandy quraǵanyn jetkizdi. Qalada sonymen birge dástúrli saýda zamanaýı órkenıetti formatqa kóshirilýde. Nátıjesinde 16 bazar jańartylyp, bıznesti kóleńkeden shyǵarý maqsatyndaǵy jumystar jalǵasyn taýyp keledi. Jyl sońyna deıin «Baısat», «Qazyna», «Kenjehan» jáne «Barys-4» jańartý jumystary aıaqtalady. Búginde qalada 20 myńnan astam kásipker bıznesin júrgizip otyrǵan 52 bazar bar. Qazirgi ýaqytta 28 bazar jańartylyp, 25 mlrd teńgeden astam ınvestısııa salynǵan. Mundaǵy jumys oryndarynyń sany 3,4 myńǵa artyp otyr.
ALMATY