Úkimet basshysy SQO-daǵy saparyn jaqynda ǵana ashylǵan elektrotehnıkalyq zaýytqa baryp, óndiris barysyn kórip shyǵýdan bastady, dep habarlaıdy Egemen.kz
Sonymen qatar Álıhan Smaıylov naýryz aıynda apat bolǵan jylý elektr ortalyǵyna soǵyp, jumys josparyn surap bildi. Qazirgi tańda kásiporynnyń 6 qazandyǵyn jóndeýge 8 mlrd teńgege jýyq qarjy bólingen. Al qulaǵan murjaǵa saraptama jasalyp jatyr. Sapar barysynda «Jóndeý jumystary sapaly ári ýaqytynda aıaqtalýy kerek. Jylý elektr ortalyǵy irkiliksiz jumys isteýi tıis. Birinshi murjany qalpyna keltirý barysy da nazardan tys qalmasyn. Bul rette memlekettik saraptamadan ótýdi tezdetýdi tapsyramyn», dedi Premer-Mınıstr.