«Sentr Kredıt» bankiniń ókili Gúljahan Hamıtova jeńildetilgen avtonesıelendirý jobasynyń qaıta jandaýyna baılanysty ótken brıfıngide 4 paıyzdyq avtonesıe zeınetkerlerge berilmeıtinin aıtty, dep habarlaıdy Egemen.kz.
«Búginde zeınet jasynyń aıasynda belgili bir kezeń bar jáne nesıe berý zeınet jasyna deıin ǵana kózdeledi», dedi bank ókili.
Eske sala ketsek, búgin Qazaqstanda 4 paıyzdyq jeńildetilgen avtonesıe berý bastaldy. Bul jobaǵa qatysatyn 4 ekinshi deńgeıli bank anyqtaldy. Olar: «Halyq bank», «Bank SentrKredıt», «Forte bank» jáne Eýrazııalyq bank».
«Bankterdiń qatary áli de keńeıýi múmkin. Qazir ónerkásipti damtyý qory basqa bankterdiń de ótinishterin qarastyryp jatyr. Ol ótinishter maquldansa, bankter sany kóbeıedi», dedi qordyq basqarma basshysy Ǵalymjan Ádı.