Jeńildetilgen avtonesıe baǵdarlamasy arqyly 34 qazaqstandyq kólik satyp aldy. Bul týraly «О́nerkásipti damytý qory» AQ basqarma tóraǵasynyń orynbasary Janar Ibrasheva aıtty, dep habarlaıdy Egemen.kz.
«Bul baǵdarlamanyń negizgi operatory – «О́nerkásipti damytý qory». Buǵan deıin operator Qazaqstan damý banki bolǵan edi. Osy baǵdarlamany júzege asyrý aıasynda revolverlik tetik arqyly 100 mlrd teńge bólindi. Iаǵnı, eger azamattarymyz birinshi kezekte satylymǵa shyǵarylǵan avtomobıldi alyp úlgermese, onda olar jeke tulǵalardan qarajat túskennen keıin qaıtadan birden júgine alady. 2-3 aı ótken soń jeńildikpen avtonesıe alýǵa múmkindik bolady», dedi ol Ortalyq kommýnıkasııalar qyzmetindegi baspasóz máslıhatynda.
Onyń atap ótýinshe, baǵdarlama aıasynda 10 myńnan astam azamat kólik alady. Qazirgi ýaqytta ótinimdi «Bank SentrKredıt», «Eýrazııalyq bank», «Halyq bank» arqyly berýge bolady. Búginnen bastap bul tizimge «Forte Bank» qosylady.
«Baǵdarlama bastalǵan sátten beri 14 507 ótinim qabyldandy. Onyń ishinde 4 834 jeke tulǵaǵa 35,7 mlrd teńge maquldandy. 34 kólik satyp alyndy: Nur-Sultan – 11, Almaty – 4, Aqtóbe oblysy – 3, Almaty oblysy – 1, Batys Qazaqstan oblysy – 1, Jambyl oblysy – 4, Pavlodar oblysy – 4, Shymkent – 6 avtomobıl», dedi Janar Ibrasheva.