Burynǵy vıse-premer, Ulttyq Bank pen Qarjy mınıstrliginiń burynǵy basshysy Oraz Jandosov Sıfrlyq damý, ınnovasııalar jáne aeroǵarysh ónerkásibi mınıstriniń shtattan tys keńesshisi bolyp taǵaıyndaldy, dep habarlaıdy Egemen.kz.
Bul týraly Baǵdat Mýsınniń Facebook-paraqshasynda habarlady.
Mınıstr keıde mańyzdy sheshim qabyldaý úshin tájirıbeli kisilerdiń keńesi qajet ekenin aıtady.
«Maǵan kez kelgen sátte konsýltasııa beretin asa tájirıbeli, ózim arqa súıeıtin kisilerdiń biri - Oraz Álıuly Jandosov. Onymen Qazposhtada jumys istegende tanysqan bolatynmyn, ol kezde táýelsiz dırektor bolatyn jáne Dırektorlar keńesiniń tóraıymy Elena Leonıdovna Bahmýtovamen birge maǵan tájirıbelik turǵyda kóp qoldaý kórsetip, baǵyt-baǵdar jasaǵan edi. Sondyqtan men ekonomıka salasynyń bilikti mamany Oraz Jandosovqa shtattan tys keńesshi bolýǵa usynys jasadym», delingen jazbada.