Álıhan Smaıylov memlekettik organdardyń jumysyn sıfrlandyrý jáne Qazaqstanda 5G engizý boıynsha tapsyrma berdi, dep habarlaıdy Egemen.kz Premer-Mınıstrdiń resmı saıtyna silteme jasap.
QR Premer-Mınıstri Álıhan Smaıylov Sıfrlandyrý máseleleri jónindegi komıssııanyń otyrysyn ótkizdi, onda memlekettik organdardaǵy bıznes-úderisterdiń reınjınırıngi, azamattar men zańdy tulǵalar týraly málimetterdi túzetýdiń ońaılatylǵan mehanızmin engizý, sondaı-aq besinshi býyndaǵy uıaly baılanysty engizý jáne damytý (5G/IMT) barysy qaraldy.
Birinshi másele boıynsha baıandama jasaǵan sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Memleket basshysynyń memlekettik apparat qyzmetin bıýrokratııadan aryltý jónindegi tapsyrmasyn oryndaý aıasynda prosester men memlekettik organdar fýnksııalarynyń keshendi reınjınırıngi, sondaı-aq qujat aınalymy men eseptilikti qysqartý jumystary júrgizilip jatqanyn, ol merzimder men kezeńderdi eki esege qysqartýdy kózdeıtinin habarlady.
Búgingi tańda 100-den astam bıznes-prosess boıynsha jumys júrip jatyr: onyń 55-i boıynsha reınjınırıng júrgizilse, 35-i memlekettik organdardyń kelisýinde, 43 bıznes-prosess sıpattalyp, rásimdeldi.
Reınjınırıng azamattar men bızneske qyzmet kórsetý ýaqytyn birneshe ese qysqartýǵa múmkindik beredi, jalpy memlekettik organdardyń ózara is-qımylyn jaqsartady.
Osylaısha, azamattar jıi júginetin birqatar qyzmet ońtaılandyryldy, atap aıtqanda, avtokólik satyp alý (15 mın, onlaın qyzmetter arqyly qaıta tirkeý), JShS joıý (1 aı), múgedektikti belgileý (syrttaı kýálandyrý múmkindigi), páterdi qaıta josparlaý (1 kún), eńbekke jaramsyzdyq paraǵyn alý (qashyqtan) jáne t. b. О́zgerister jyl sońyna deıin tolyq engiziledi.
Dári-dármekterdi ákelý jáne saraptaý prosesterin transformasııalaý, azamattardy tegin dári-dármektermen qamtamasyz etý, jer ýchaskelerin satyp alý jáne basqarý, áskerı esepke qashyqtan qoıý jáne basqa da usynystar qalyptastyryldy. Bul memlekettik organdarmen talqylaý kezeńinde tur.
Budan bólek, memlekettik organdardyń bıýdjet jáne norma túzýshilik prosesterine reınjınırıng júrgizý Úkimetke strategııalyq mindetterdiń oryndalýyn, eldegi makroekonomıkalyq jaǵdaıdy, ózekti jáne durys derekter negizinde naqty ýaqyt rejıminde ulttyq jobalardyń iske asyrylýyn turaqty baqylap otyrýǵa múmkindik beredi, bul memlekettik qyzmettiń jańa sıfrlyq formatqa kóshýine negiz bolmaq.
QR Premer-Mınıstri osy baǵyttaǵy barlyq jumysty sapaly ári ýaqytyly aıaqtaýdy tapsyrdy.
Ekinshi máseleni qaraý barysynda búgingi tańda azamattar memlekettik derekter qoryndaǵy qatelerge baılanysty ártúrli qujattarǵa túzetýler engizip jatatyny atap ótildi.
Jaǵdaıdy ózgertý úshin memlekettik organdardyń málimetterdi túzetýge elektrondyq ótinimderdi qabyldaýǵa servısterdi jarııalap otyrýy usynyldy. Osynyń arqasynda paıdalanýshy notarıýsqa nemese HQKO-ǵa barmaı-aq, ýákiletti memlekettik organǵa tikeleı saýal jibere alady.
Álıhan Smaıylov aıtylǵan tásilderdi qoldap, olardy iske asyrý máselesin egjeı-tegjeıli pysyqtaýdy tapsyrdy.
Kún tártibiniń úshinshi máselesin qaraý kezinde qazirgi ýaqytta Qazaqstanda 5G/IMT besinshi býyndaǵy uıaly baılanys standartyn engizý boıynsha jumystar júrgizilip jatqany atap ótildi. Júrgizilgen synaqtar jaqsy nátıje kórsetti: jıilikti qamtýdyń tıimdi aımaǵy – 10 sharshy km astam, jyldamdyq kórsetkishi – 1,6 Gbıt/s deıin, kidiris deńgeıi – 10 ms kem.
2021 jyly jeke operatorlarǵa Nur-Sultan, Almaty jáne Shymkentte 5G tehnologııasyn testileý quqyǵy berildi.
QR Premer-Mınıstri 5G jelileri úshin jıilikterdi bólý tetikterin qosymsha pysyqtaýdy jáne jańartylǵan usynystardy Komıssııanyń qaraýyna qaıta engizýdi tapsyrdy.
Aıana Toǵanbek