Amerıkalyq kásipker jáne Microsoft negizin qalaýshy Bıll Geıts taǵy bir pandemııa bolýy múmkin ekenin aıtty. Ol jańa epıdemııalar taraǵan jaǵdaıda «jahandyq áreket etý tobyn» qurýdy usyndy. Bıll Geıtstiń pikirinshe, 20 jyldan keıin álemde jańa pandemııa bastalýy múmkin, dep habarlaıdy Egemen.kz kásipkerdiń ıspanııalyq El Diario gazetine bergen suhbatyna silteme jasap.
Indettiń taralýymen kúresý úshin kásipker «jahandyq epıdemııaǵa qarsy áreket jáne jumyldyrý komandasyn» qurýdy usyndy. Bıll Geıtstiń paıymynsha, olardy «órt sóndirýshiler sııaqty shaqyrýǵa bolady». Sonymen qatar ol qazir taralyp jatqan maımylsheshek aýrýyn asa qaýipti dep sanamaıtynyn aıtty.
Esterińizge sala keteıik, buǵan deıin Bıll Geıts koronavırýs pandemııasy 2022 jyly aıaqtalady dep boljaǵan edi. Degenmen ol halyqty betperde taǵýǵa, adam kóp jınalatyn oryndardan aýlaq bolýǵa, koronavırýsqa qarsy vaksına saldyrýǵa shaqyrǵan bolatyn.
Arýjan Amangeldi