Nepal armııasy ushaq qulaǵan aýmaqqa jetip, apat ornynan 14 adamnyń denesin tapqan, dep habarlaıdy Egemen.kz.
Tara Air kompanııasynyń ókili Sýdarshan Barthaýlýnyń aıtýynsha, ushaq taýǵa soǵylyp, tolyǵymen qıraǵan. Qutqarýshylar máıitterdi apat ornynan 100 metr jerden tapqan.
Eske salsaq, Nepalda 22 jolaýshysy bar ushaq joǵalyp ketken edi. Olardyń ekeýi germanııalyq, tórteýi úndistandyq, qalǵany - nepaldyqtar. Ushaq týrıstik Pokhara qalasynan kókke kóterilgennen keıin 15 mınýttan soń baılanys úzilgen.
Ushaqtyń qulaýyna aýa raıynyń qolaısyzdyǵy sebep bolýy múmkin degen boljam bar.
Saltanat Kenjebaı