Jergilikti aýrýlardyń aldyn alý jáne baqylaý ortalyǵynyń (NCDC) málimetinshe, Nıgerııada maımylsheshegimen aýyrǵan adamdardyń ishinde alǵashqy ólim jaǵdaıy tirkeldi, dep habarlaıdy Egemen.kz.
Elde barlyǵy 21 adam maımylsheshek aýrýyn juqtyrǵan. Marqumnyń jasy 40-ta. Onyń ımmýnosýpressııalyq preparattar qabyldaǵany belgili boldy.
«2022 jyldyń 29 mamyryndaǵy málimet boıynsha, jalpy indet juqtyrǵandardyń 21 jaǵdaıy rastaldy. Onyń bireýi ólimmen aıaqtaldy. Ilespe aýrýlary bar 40 jastaǵy naýqas kóz jumdy. Onyń ımmýnosýpressııalyq preparattardy qabyldaǵany belgili boldy», delingen vedomstvonyń saıtynda jarııalanǵan habarda.
Aıana Toǵanbek