VTB Bank (Qazaqstan) Dırektorlar keńesi Dmıtrıı Sykýnovty Basqarma múshesi etip saılaý týraly sheshim qabyldady. Ol Qazaqstandaǵy VTB Bank táýekelderin baǵalaý men basqarýda jańa tásilderdi ázirleý jáne engizýge jaýap beredi, dep habarlaıdy Egemen.kz bank taratqan aqparatqa súıenip.
Dmıtrıı Sykýnov qarjy salasynda 17 jyl jumys isteıdi, onyń ishinde segiz jyly VTB tobynda. 2020 jyldan bastap VTB bankiniń (Qazaqstan) táýekelder departamentin basqarady.
Novosibir memlekettik ýnıversıtetin «Matematıka» mamandyǵy boıynsha jáne Halyqaralyq bıznes ýnıversıtetin (Qazaqstan) «Qarjy» baǵyty boıynsha bitirgen.
Qazir VTB Bank (Qazaqstan) Basqarmasynyń quramyna mynalar kiredi: basqarma tóraǵasy Zabello Dmıtrıı Aleksandrovıch, qarjy departamentiniń dırektory Nelına Anastasııa Sergeevna, korporatıvtik klıenttermen jumys júrgizý departamentiniń dırektory Ýsanetashvılı Archıl Gıvıevıch, táýekelder departamentiniń dırektory Sykýnov Dmıtrıı Sergeevıch.