Qazaqstan men Qytaı arasyndaǵy turaqty áýe qatynasy qalpyna keltirildi. Bul týraly Qazaqstannyń Syrtqy ister mınıstri Muhtar Tileýberdi qytaılyq áriptesi Van Imen kezdesýden keıingi brıfıngte aıtty, dep habarlaıdy Egemen.kz.
«Koronavırýs pandemııasy álemdik arenaǵa keri áserin tıgizdi. Qazir biz bul pandemııany ózara yntymaqtastyq pen qoldaý arqyly eńserýdemiz. Osy jumystyń dáleli retinde bıyl birinshi maýsymnan bastap Qazaqstan men Qytaı arasyndaǵy turaqty áýe qatynasy qalpyna keltirilgenin atap ótkim keledi», dedi Muhtar Tileýberdi.
Aıta ketsek, Qytaı memlekettik keńesiniń múshesi, Qytaı syrtqy ister mınıstri Van I Qazaqstanǵa kelgen edi. Sapar eki el arasyndaǵy dıplomatııalyq qatynastyń ornaǵanyna 30 jyl tolýyna oraı uıymdastyrylǵan.
Saltanat Kenjebaı