SOFIIа. 23 sáýir. Bolgarııanyń astanasy – Sofııa qalasynda ótip jatqan bokstan jas jigitter men qyzdar arasyndaǵy álem chempıonaty sońǵy kezeńine qadam basty. Búgin munda jartylaı fınaldyq shaıqastar bolyp ótip, onda kúsh synasqan 4 jigitimiz túgel jeńiske jetti. Bul týraly egemen.kz habarlady.
Aldymen sharshy alańǵa qyzdar shyqty. Astana ýaqytymen 15:00 saǵatta bastalǵan tańerteńgi sessııada 51 kıloǵa deıingi salmaqta Alýa Balqybekova armıan qurbysy Anýsh Grıgorıanǵa ese jiberip qoıyp, qola medaldy qanaǵat tutty.
Sodan keıin jigitterdiń kezegi keldi. Saǵat 17:00-de kerýen kergen kúndizgi sessııany 49 kılodaǵy Shalqar Aıqynbaı úndistandyq Shııam Kakaramen uryspen ashyp, 2:1 esebimen utysqa ıe boldy. Munyń sońynan rıngke kóterilgen 56 kılodaǵy Sultan Záýirbek aǵylshyn Peter MakGreılmen jekpe-jekti de osylaı bitirdi.
Keshki sessııa 20:00 saǵatta jalaý jelbiretti. Onyń basynda 60 kılodaǵy Abylaıhan Júsipov (sýrette) ózbek Ikboljon Holdarovty 3:0 etip utyp shyqty. Al 81 kılodaǵy Vadım Kazakov norveg Vegar Tregrandy 2:0 esebimen tize búktirdi.
Al fınal – erteń!
Damır Qojamqul.
Derekkóz: egemen.kz,
Foto: VKontakte.