Ulytaý oblysynda ótip jatqan Ulttyq quryltaıdyń otyrysynda Májilis tóraǵasy Erlan Qoshanov Májilis janynan ártúrli ustanymy bar saıası uıymdar ókilderin, sarapshylar men qoǵam belsendilerin qatystyratyn Qoǵamdyq palata qurylatynyn habarlady, dep jazady Egemen.kz.
«Ulttyq quryltaı – ultty uıystyratyn ulyq alań. Quryltaıda kóteriletin barlyq máseleler halyq, qoǵam ishinen shyǵýy shart. Jurtty alańdatqan, qarapaıym halyqtyń janyna batqan árbir keshendi másele eń aldymen aýdandyq, qalalyq, oblystyq máslıhattar men qoǵamdyq keńesterde jiti talqylanyp, saıası formýlalar men qujattarǵa aınalyp, bolashaqta quryltaıdyń kún tártibine engizgen jón dep esepteımiz. Sonymen qatar kerisinshe, quryltaıda talqylanǵan ıdeıalar men bastamalar Parlamentte, aımaqtyq máslıhattar men qoǵamdyq keńester alańdarynda ashyq, aıqyn talqylanyp, qoǵamǵa jetkizilip otyrýy asa mańyzdy. Osy maqsatpen taıaý kúnderi Májilis janynan ártúrli ustanymy bar saıası uıymdar ókilderin, sarapshylar men qoǵam belsendilerin qatystyratyn Qoǵamdyq palata óz jumysyn bastamaq», dedi Erlan Qoshanov.