Jańadan qurylǵan Abaı oblysyna tuńǵysh halyqaralyq delegasııa sheteldegi qandastarymyzdyń kelýimen bastaldy, dep habarlaıdy Egemen.kz.
Rýhanı sapar «Otandastar Qory» KEAQ-nyń uıymdastyrýymen «Kıeli Qazaqstan» jobasy aıasynda qolǵa alynǵan. Atalǵan jobanyń maqsaty - shetelde turatyn jas qandastarymyzdy tarıhı Otanynda biriktirý jáne olarǵa barynsha qoldaý kórsetý.
Jobaǵa Fransııa, Germanııa, Túrkııa, Reseı, О́zbekstan, Iran, Mońǵolııa, Qyrǵyzstan, Belarýs elderinen kelgen belsendi jastarymyz qatysyp jatyr.
Aıta keteıik, rýhanı sapar aıasynda qandastar delegasııasy Shákárim ýnıversıtetinde, Abaıdyń «Jıdebaı-Bórili» memlekettik qoryq murajaıynda kezdesýler ótkizý josparlanýda. Sondaı-aq Abaı aýdanynda ornalasqan jer kindigi «Jıdebaıǵa» sapar shegedi.