Tez daıyndalatyn taǵamnyń dámi til úıiretin shyǵar. Asyqqan adamnyń ýaqytyn únemdeýine de qolaıly bolar. Alaıda dárigerler ony nárli taǵamnyń qataryna jatqyzbaıdy. О́ıtkeni túrli aıyqpas dertke ushyratýy múmkin mundaı taǵamnyń taýqymeti az emes. Soǵan qaramastan, búgingi qoǵamnyń bar býyny tez taǵamǵa áýestigin tejeı almaı otyr.
Oblystyq sanıtarııalyq-epıdemıologııalyq baqylaý departamenti basshysynyń orynbasary Gúlnaz Erbatyrovanyń aıtýynsha, tez daıyndalatyn taǵamnan bas tartqan jón. О́ıtkeni ony kim, qalaı daıyndaıtyny beımálim. Onyń ústine jiti ishek ınfeksııasynyń órshýine sebep bolýy múmkin. Máselen, byltyr 125 adamnan osyndaı ınfeksııa anyqtalǵan. Al jyl basynan beri 105 adam jiti ishek ınfeksııasyn juqtyrǵan.
Atalǵan departament basshysynyń orynbasary Álııa Bekeshovanyń málimetinshe, ótken aptada birneshe adam ýlaný dıagnozymen aýrýhanaǵa júgingen. Ýlanǵan turǵyndar munaıly shahardaǵy S.Datov kóshesinde ornalasqan jeke ıeliktegi Afisha dúńgirsheginen qus etinen daıyndalǵan doner satyp alǵan. Osyǵan baılanysty qalalyq polısııa basqarmasynyń qyzmetkerleri tergeý amaldaryn júrgizip jatyr. Qazir tıisti saraptamalar taǵaıyndaldy. Dúńgirshek jumysyn ýaqytsha toqtatty, – deıdi ol.
Atyraýdaǵy №2 oblystyq aýrýhananyń ınfeksıonıst dárigeri Ádilbek Mahashtyń málimetinshe, toǵyz naýqasqa tamaqtan ýlaný dıagnozy qoıylǵan. Naýqastardyń arasynda bir otbasynyń músheleri de bar. Aýrýhanaǵa túskenderdiń kishisi – 1 jas 7 aılyq, al úlkeniniń jasy – 30-da. Qazir naýqastarǵa qajetti em-dom sharalary júrgizilip jatyr.
Al qalalyq sanıtarlyq-epıdemıologııalyq baqylaý basqarmasynyń málimetinshe, kóterme jáne bólshek saýda nysandarynan saraptama júrgizý úshin taýyq etiniń 108 túri satyp alynǵan. Saraptama qorytyndysymen 108 synamanyń 40 paıyzdan astamy Keden odaǵynyń tehnıkalyq reglamentteriniń talaptaryna sáıkes bolmaı shyqqan.
– «Makınsk qus fabrıkasy» JShS-nyń broıler-balapan etinen adam ómirine qaýip tóndiretin bakterııalyq kórsetkish tabyldy. Osyǵan baılanysty iri kásipkerlik sýbektisi – «Metro Kesh end Kerrı» JShS qyzmetine jospardan tys tekserý júrgizildi. Tekserý kezinde seriktestiktegi ónim sapasynyń talapqa sáıkes emestigi anyqtaldy. Satylymdaǵy 1 tonna 597,65 kılo broıler taýyq etin joıý týraly sanıtarlyq-epıdemııalyq nusqama berildi, – dep habarlady Atyraý qalalyq sanıtarlyq-epıdemıologııalyq baqylaý basqarmasy.
Adamnyń ómiri men densaýlyǵyna, janýarlar men qorshaǵan ortaǵa qaýip tóndiretin tamaq ónimderin joıý jónindegi komıssııanyń sheshimine sáıkes qaýipti taýyq eti órteldi. О́nimdi joıý is-sharasyna qalalyq sanıtarlyq-epıdemıologııalyq baqylaý jáne veterınarlyq ınspeksııa basqarmalarynyń mamandary, sondaı-aq «Metro Kesh end Kerrı» JShS-nyń senimdi ókili qatysty.
Atyraý oblysy