Aqmola oblysynda qatty jel úsh mektep pen 40-qa jýyq turǵyn úıdiń shatyryn ushyrdy. Sonymen birge birqatar eldi-meken jaryqsyz qaldy, dep habarlaıdy Egemen.kz.
«25 maýsymda Birjan sal jáne Bulandy aýdandary aýmaǵynda 30 m/s jyldamdyqpen soqqan qatty jel salarynan 3 mektep pen 38 jeke turǵyn úıdiń shatyry ushty. Kóptegen ǵımarat búlingen. Qaza bolǵandar men zardap shekkender joq», dedi Aqmola oblystyq Tótenshe jaǵdaılar departamentiniń baspasóz qyzmeti.
Sondaı-aq daýyldyń saldarynan elektr baǵanalary qulap, birqatar eldi meken jaryqsyz qalǵan.
Apattan kelgen shyǵyn kólemin jergilikti atqarýshy organdar anyqtap jatyr.
Aıana Toǵanbek