Qazaqstannyń toǵyz óńirinde aýa raıy qubylmaly bolady, dep habarlaıdy Egemen.kz Qazgıdrometke silteme jasap.
28-29 maýsymda kúndiz Jambyl oblysynyń taýly aýdandarynda naızaǵaı oınap, burshaq jaýady. Oblystyń ońtústik-batysynda, soltústik-shyǵysynda, taýly aýdandarda 15-20 m/s jel turady.
Soltústik Qazaqstan oblysynyń basym bóliginde jańbyr jaýady. 28 maýsymda oblystyń soltústiginde, batysynda, shyǵysynda jel soǵyp, ekpini 15-20 m/s jetedi.
Qyzylorda oblysynda 41 gradýs qatty ystyq bolady. Oblystyń basym bóliginde tótenshe órt qaýipi saqtalady.
Batys Qazaqstan oblysynyń soltústik jartysynda naızaǵaı kútiledi. Soltústik-batystan jel soǵady.
Oralda 28 maýsymda kúndiz naızaǵaı oınaıdy.
Qaraǵandy oblysynyń ońtústik-shyǵysynda tótenshe órt qaýpi saqtalady.
Ulytaý oblysynyń ońtústik-batysynda tótenshe órt qaýpi saqtalady.
Almaty oblysynyń ońtústiginde jáne taýly aımaqtarynda naızaǵaı oınap, kúndiz 35-38 gradýs ystyq bolady.
Jetisý oblysynda kúndiz 35-38 gradýs ystyq saqtalady. Taldyqorǵanda da kúndiz 35-38 gradýs ystyq bolady.
Aqtóbe oblysynyń soltústiginde naızaǵaı oınaıdy.