Parlament Senatynyń jalpy otyrysynda Respýblıkalyq bıýdjettiń atqarylýyn baqylaý jónindegi esep komıtetiniń múshesi Rashıt Ahmetov qyzmetinen bosatyldy, dep habarlaıdy Egemen.kz.
«Konstıtýsııalyq normalarǵa sáıkes, Esep komıteti múshesiniń ókilettik merzimi - 5 jyl. 2017 jyly 29 maýsymda Esep komıtetiniń múshesi bolyp Senattan Ahmetov Rashıt Saıranuly taǵaıyndalǵan edi», dedi Senat tóraǵasy Máýlen Áshimbaev.
Osy oraıda Rashıt Saıranulynyń atalǵan qyzmettegi ókilettik merzimi aıaqtalyp otyr.
Senat reglamentine sáıkes, Bıýronyń sheshimimen Qarjy jáne bıýdjet komıteti óziniń qorytyndysyn ázirledi. Talqylaýdan keıin senatorlar Rashıt Ahmetovtiń ókilettigin toqtatý týraly sheshim qabyldady.