Shyǵys Qazaqstan oblysy boıynsha kóliktik baqylaý ınspeksııasynyń 7 qyzmetkeri júıeli sybaılas jemqorlyq áreketterin jasaǵany úshin jaýapqa tartyldy, dep habarlaıdy Egemen.kz ANTIKOR baspasóz qyzmetine silteme jasap.
Aıyptalýshylar 2021 jylǵy shilde-qyrkúıek aralyǵynda aldyn ala sóz baılasý arqyly júk tasymaldaýshylardan oblys aýmaǵy boıynsha kedergisiz júrip-turý jáne jalpy qamqorlyq úshin 10-nan 300 myń teńgege deıin para alǵan.ShQO Antıkorrýpsııalyq qyzmeti júrgizgen sybaılas jemqorlyq táýekelderin syrtqy taldaý barysynda jaýapkershilikten jaltarýdyń jıi qoldanylatyn shemasy anyqtalǵan.«Taldaý barysynda ınspektorlar tekserý is-sharalary kezinde beınetirkeý tártibin saqtamaıtyny anyqtaldy. Is júzinde barlyq jaǵdaılarda olar tek kólik quralyn toqtatý jáne qajetti qujattardy suraý prosesin tirkedi. Baqylaý rásiminiń ózi tirkelgen joq, al qolda bar 289 beınejazba boıynsha kúnder men ýaqyttarda sáıkessizdikter anyqtaldy. Sybaılas jemqorlyq táýekelderine júrgizilgen syrtqy taldaý qorytyndylary boıynsha KBI-na sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılardy joıý boıynsha usynymdar engizildi», delingen vedomstvo habarlamasynda.