Jańa týǵan sábılerinen bas tartqysy kelgen áıelder saıt arqyly nárestelerin satpaqshy bolǵan. Bul saıtta bala asyrap alǵysy keletin adamdardyń habarlandyrýlary da jarııalanǵan, dep habarlaıdy Egemen.kz.
«Neke jáne otbasy týraly» QR Kodeksiniń 196-babyna sáıkes taýyp alynǵan, tastap ketken balanyń týýy ishki ister organdarynyń, qorǵanshylyq nemese qamqorshylyq jónindegi fýnksııalardy júzege asyratyn organnyń, bala ornalasqan bilim berý uıymy nemese medısınalyq uıym ákimshiliginiń ótinishi boıynsha anyqtalǵan kúnnen bastap 7 táýlikten keshiktirilmeı tirkelýge tıis», delingen Almaty qalasynyń prokýratýrasy taratqan habarlamada.
«Buqaralyq aqparat quraldary týraly» Zańnyń 2-babynyń 4-tarmaǵyna sáıkes qylmystyq jáne ákimshilik quqyq buzýshylyqtar jasaý maqsatynda buqaralyq aqparat quraldaryn paıdalanýǵa tyıym salynady.
Alataý aýdanynyń prokýrory saıtty zańsyz dep taný jáne onyń Qazaqstan aýmaǵyndaǵy qyzmetin toqtatý týraly aryzben sotqa júgindi. Sot qadaǵalaý organynyń ótinishin qanaǵattandyrdy.
Materıaldar quqyq qorǵaý organdaryna QR QK 128-babynda - adam saýdasy boıynsha kózdelgen qylmysty jasaý mánine tekserý júrgizý úshin jiberildi.
Atalǵan bab boıynsha qylmystyq quqyq buzýshylyq jasaǵany úshin múlki tárkilenip, 15 jylǵa deıingi merzimge bas bostandyǵynan aıyrý túrindegi jaza kózdelgen.