Teńiz ken ornyndaǵy jarylystan zardap shekken azamattarǵa materıaldyq kómek kórsetiledi. Bul týraly Atyraý oblysynyń ákimi Serik Shápkenov aıtty, dep habarlaıdy Egemen.kz.
Atyraý oblysynyń ákimi Serik Shápkenov «Teńiz» ken ornynda bolǵan apatty jaǵdaıǵa baılanysty shuǵyl jıyn ótkizdi.
Oblys ákiminiń baspasóz qyzmeti habarlaǵandaı, jıynǵa ákimdikke qarasty basqarmalardyń basshylary, «Teńizshevroıl» JShS-niń, oblystyq tótenshe jaǵdaılar jáne polısııa departamentteriniń ókilderi qatysty.
Oblys ákimi jarylystan qaza tapqan jumysshylardyń týystary men jaqyndaryna kóńil aıtyp, qaza tapqandar men zardap shekkenderdiń otbasylaryna qajetti materıaldyq kómek kórsetiletinin málim etti.
«Oblystyq densaýlyq saqtaý basqarmasynyń basshysyna jaraqat alǵan jumysshylarǵa medısınalyq kómek kórsetýdi tapsyrdym. Apattyń sebep-saldaryn anyqtaý maqsatynda oblystyq deńgeıde arnaıy komıssııa qurylyp, zań aıasynda tekserý jumystaryn júrgizedi», dedi oblys ákimi Serik Shápkenov.
Eske sala ketsek, búgin, 6 shildede jergilikti ýaqytpen saǵat 9:55 shamasynda Teńiz ken ornynda jarylys bolyp, eki adam qaıtys boldy.