Pavlodar munaı-hımııa zaýytyna bas dırektor taǵaıyndaldy, dep habarlaıdy Egemen.kz QMG saıtyna silteme jasap.
«QazMunaıGaz» UK AQ basqarmasynyń sheshimine sáıkes Qýanysh Erdáýletuly Bıshimov «Pavlodar munaı-hımııa zaýyty» JShS bas dırektory (basqarma tóraǵasy) bolyp taǵaıyndaldy», delingen habarlamada.
Pavlodar munaı-hımııa zaýytynyń jańa basshysyn kásiporyn ujymyna «QazMunaıGaz» UK AQ Munaı óńdeý jáne munaı hımııasy departamentiniń dırektory Dmıtrıı Makeev tanystyrdy.
Qýanysh Bıshimov osy qyzmetke taǵaıyndalǵanǵa deıin Qazaqstan Respýblıkasy Ulttyq ekonomıka mınıstrligi Memlekettik materıaldyq rezervter komıtetiniń «Rezerv» respýblıkalyq memlekettik kásipornynyń bas dırektory qyzmetin atqarǵan.