Ulttyq statıstıka bıýrosynyń deregine sáıkes, jyl basynan beri elimizdiń áleýmettik mańyzy bar azyq-túlik baǵasy 17,4%-ǵa qymbattady, dep habarlaıdy Egemen.kz.
19 ataýdy qamtıtyn áleýmettik mańyzy bar azyq-túlik taýarlary 2022 jylǵy 5 shildedegi jaǵdaı boıynsha (jyldyq mánde) 17,7%-ǵa qymbattady. Bul 2021 jylǵy sáıkes kezeńnen 2,2%-dyq tarmaqqa joǵary. О́tken aptada jáne aı basynan bergi kezeńge áleýmettik mańyzy bar azyq-túlik taýarlaryna baǵalar 0,2%-ǵa, jyl basynan beri kezeńge 17,4%ǵa ósti.
Sonymen qatar bıýro 5 shildedegi jaǵdaı boıynsha áleýmettik mańyzy bar azyq-túlik taýarlarynyń ortasha baǵasyn usyndy.
Resmı derekke sáıkes, elimizde birinshi surypty unnyń 1 kelisi 220 teńge turady. Biraq, elordada qymbat – 264 teńge. Qazaqstan boıynsha qumshekerdiń ortasha baǵasy 1 kelisine 519 teńge bolsa, birinshi surypty unnan pisirilgen nan - 188, qaraqumyqtyń 1 kelisi – 501, sary maıdyń 1 kelisi – 3 256, 1 lıtr kúnbaǵys maıy - 824, sıyr etiniń (jaýyryn-tós bóligi) 1 kelisi – 2 200, taýyq etiniń 1 kelisi – 1 138, pasterlengen súttiń 1 lıtri – 307, kartoptyń kelisi – 183, sábiz – 206, 10 dana jumyrtqa 369 teńgeni quraıdy. 2022 jyldyń maýsymynda 2021 jyldyń maýsymymen salystyrǵanda ınflıasııa 14,5% boldy.