Abaı oblysynyń Besqaraǵaı aýdanynda sharýa qojalyǵynan 9 mln teńgeniń múlkin tonaǵan er adam ustalyp, jazaǵa tartyldy, dep habarlaıdy Egemen.kz.
Oblystyq Polısııa departamenti habarlaǵandaı, Besqaraǵaı aýdanynda jergilikti sharýa qojalyǵynyń 64 jastaǵy ıesi polısııa qyzmetkerlerine júgingen. Ol óz sózinde beton buıymdarynyń urlanǵanyn jetkizdi.
«Jábirlenýshiniń aıtýynsha, belgisiz bireýler 10-25 maýsym aralyǵynda Ernazar aýylynyń mańyndaǵy qojalyq aýmaǵynan 16 beton fýndamentin, 6 tirekti jáne betonnan jasalǵan 7 arqalyqty urlap ketken. Osynyń saldarynan keltirilgen materıaldyq shyǵynnyń jalpy somasy 9 300 000 teńgeni qurady», delingen habarlamada.
Jedel-izdestirý sharalarynyń nátıjesinde 49 jastaǵy jergilikti turǵyn ustaldy. Oǵan qatysty QR QK-niń 188-baby 4-bóligimen sotqa deıingi tergeý amaldary júrgizilýde.