13 shilde saǵat 14:30 shamasynda Jańajol kenti men Muǵaljar aýdanynyń Severnaıa trýba ken orny arasynda jol-kólik oqıǵasy boldy, dep habarlaıdy Egemen.kz Polisia.kz saıtyna silteme jasap.
25 jastaǵy ÝAZ avtokóliginiń júrgizýshisi óndiristik aýmaqta Jańajol kenti baǵytynda qarsy baǵytqa shyǵyp ketip, Shacman júk kóligimen soqtyǵysqan.
Oqıǵa saldarynan ÝAZ avtokóliginiń júrgizýshisi men jolaýshysy Keńqııaq kentiniń aýrýhanasyna jatqyzyldy. Sondaı-aq osy kóliktiń eki jolaýshysy alǵan jaraqattarynan oqıǵa ornynda kóz jumǵan.
QR QK-niń 345-baby 4-bóligi (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha sotqa deıingi tergeý bastaldy.