Astanada zeınetkerdiń depozıttegi 6 mln teńgesin urlaǵan bank qyzmetkeri ustaldy. Bul týraly Nur-Sultan qalalyq Polısııa departamentinen málim etti, dep habarlaıdy Egemen.kz.
«Elorda turǵyny depozıttegi aqshasynyń joǵalǵany týraly shaǵymmen polısııaǵa júgindi. Qart adam depozıtke 2018 jyly salǵanymen, uzaq ýaqyt boıy kádege jaratpaǵan qarajatyn sheship alý úshin bankke kelgen. Biraq, bankkke kelgen kezde shotynda jınaq aqshasynyń joq ekenin bilgen. Mán-jaıdy anyqtaý úshin ol polısııaǵa júgindi», dep atap ótedi departamentten.
Osydan keıin jedel-izdestirý is-sharalaryn qolǵa alǵan Esil aýdandyq polısııa basqarmasynyń qylmystyq polısııa bólimi qyzmetkerleri shottaǵy qarajattyń joǵalýyna bank qyzetkeriniń qatysy baryn anyqtady. Bank qyzmetkeri zardap shegýshiniń shotyna kirý múmkindigin paıdalanyp, aqshany dosyna aýdarǵan. Keıin ony qolma-qol aqshaǵa aınaldyrǵan. Kúdikti aqshany óz qajetine jaratyp jibergen.
«Polısııa qyzmetkerleri táýlik ishinde qaskúnemdi anyqtap, qolǵa túsirdi. 23 jastaǵy kúdiktiniń ústinen «urlyq» babymen sotqa deıingi tergeý júrgizilip jatyr. Ustalǵan kúdikti kinásin moıyndady. Onyń elorda aýmaǵynda jasalǵan dál osyndaı qylmystarǵa qatysy tekserilip jatyr», dedi vedomstvodan.