QR Tótenshe jaǵdaı mınıstrligi О́rtke qarsy qyzmet komıtetiniń tóraǵasy Nurbolat Derbisov Aqtóbedegi gaz quıý beketindegi jarylys týraly pikir bildirdi, dep habarlaıdy Egemen.kz.
Keshe Aqtóbe oblysy Alǵa aýdanyndaǵy gaz quıý beketinde sısterna jarylyp, kólik pen ákimshilik ǵımarat janyp ketken edi.
«Syıymdylyǵy 46 tekshe metr sısternanyń jarylýynan shyqqan órt 22 sharshy metr alańdy sharpyǵan. Saldarynan Toyota Camry markaly bir jeńil avtokólik, bir júk tıeý avtotehnıkasy janyp ketti. Qaza bolǵandar men zardap shekkender joq. Qazirgi ýaqytta órttiń sebepteri anyqtalyp jatyr», dedi Nurbolat Derbisov Ortalyq kommýnıkasııalar qyzmetinde ótken baspasóz máslıhatynda.
Atalǵan fakti boıynsha QR QK 292-babynyń 1-bóligi «О́rt qaýipsizdigi talaptaryn buzý» boıynsha qylmystyq is qozǵaldy. Osy bapqa sáıkes, kináli adam 3 myń AEK-ke deıin aıyppul salý nemese sol mólsherde túzeý jumystary nemese 800 saǵatqa deıin qoǵamdyq jumystarǵa tartý nemese 3 jylǵa deıin merzimge bas bostandyǵyn shekteý nemese sol merzimge bas bostandyǵynan aıyrý túrinde jazalanýy múmkin.