Mamandar jazǵy ýaqytta tabıǵatta demalý kezinde kenelerge qarsy arnaıy repellentterdi qoldanýǵa, sondaı-aq jabyq aq kıim kııýge keńes berdi, dep habarlaıdy Egemen.kz.
Qyzylorda oblysynda vırýs órship tur. KTK habarlaǵandaı, Kongo-Qyrym qyzbasynan 30 jastan asqan úsh er adam men 11-synyp oqýshysy kóz jumǵan.
О́lim-jitim Jalaǵash, Shıeli aýdandarynda jáne oblys ortalyǵynda tirkeldi. Qaýipti dıagnozy rastalǵan óńirdiń taǵy 10 turǵyny qazir emdelýde. Oǵan qosa, baılanys sheńberinde bolǵan 211 adam dárigerlerdiń baqylaýyna alyndy.
Bıylǵy jazda kene shaǵý jaǵdaılarynyń sany úsh ese ósti. Kongo-Qyrym qyzbasyn dál solar tasymaldaıdy. Vırýstyń taralý kartasy da ósýde.
«Naýqastarmen baılanysta bolǵan 211 adam medısınalyq baqylaýǵa alyndy. Olardyń arasynda aýrý anyqtalǵan joq. Barlyq oshaqtarda entomologııalyq zertteýler men dezınfeksııa júrgizildi», deıdi Qyzylorda oblysynyń ESJK qoǵammen baılanys jónindegi mamany Aıman Janahaeva.